رسآلة من بحريني للوالد القائد حمد بن سلمان!!

    شاطر
    avatar
    صوت الهدى

    عدد المساهمات : 27
    تاريخ التسجيل : 03/01/2010

    رسآلة من بحريني للوالد القائد حمد بن سلمان!!

    مُساهمة من طرف صوت الهدى في الثلاثاء يناير 19, 2010 2:59 pm




    بحريني منتف وطافش عقـــــــله ومخباه مطــــــفر
    روَّح زمان الكرامة يازمان الرخامة

    ***************************


    أوجِّه رسالة (للوالد القائد حمد بن سلمان ال خليفه)
    (حفظه الله وأطال في عمره لكي يرينا العجائب في زمن الغرائب)


    من واجبات الأبووووه أنَّ الأب يستمع لصرخات إبنه

    ويضمه على صدره و يذيب كل آلامه
    والملك مثل أبوي،، لا أحد يتدخل بين أب وطفله


    أبشرك يا ملك القلوب الأسعار مضبوطة والمواد الغذائية متوفرة


    ما نقصنا بس إلا الخبز يرفعون سعره ..لا..تراهم رفعوة أمس وخذ عندك بعض الأسعار

    حبة البشاور 3 ونص دينار

    التواير ارتفعت 30 بالمية

    البترول راح يزيد 25 بالمية

    تخيل يا ملك القلوب

    جبن كرافت والمراعي السايل أرتفع
    طيب ويش نسوي للأطفال المشكلة يحبون الكرافت السايل مع الرول
    يعني على ويش نفطر.. الطحين زاد والبيض زاد
    البيبسي صار 150 فلس

    الإيجارات ارتفعت

    مخالفات المرور زادت
    الحمدلله على النعمة أمن وآمان الله لا يغير علينا

    حتى رز أبو كاس أرتفع

    بس تكفى كلمة راس..؟؟؟

    ما ودك.. تنزل رواتبنا شوي..؟؟؟


    عشان.. عشان تبني للجلف كم وحده سكنية ثانية وثالثه ورابعه والشعب ولا شي الى جهنم!!!

    ونعطي الجلف واحد بلمئه بدال ماناخد من عندهم الى العاطلين زمن العجائب

    ونعطي الجلف كل واحد سياره جديده مساكين لأنهم يعورون لفاد!!!

    ونرسل أموال الى أمريكا كي تحمينا من العدوان !!!

    ونتو أخدو لكم كل شخص أرض من الاراضي الموجوده في البحار

    وأخرتها البحر بيفوض

    عشان الصيد يطلع له طعم !!! أجل ربيان وهوامير ببلاش !!

    وحنا ميدى وعومايا وواجد علينا.. ناحسونا فيه...

    لا وصار فترة صيد يامال الفقر !!!

    لا وحتا تجميع القواطي عندهم ناس مختصين لهم

    وتجميع الكوارتين

    قريبا.. تجميع الكنكري أو الرمل المتناثر
    وياقلب لاتحزن !!!


    الحمد لله شفت كيف أنا بخير وشعبك بخير

    الله يرحم زايد والعمر زايل اللي قال عز شعبك يعزك
    وربعنا ذل شعبك يمشي وراك بس ربك فوق ويمهل ولايهمل

    ياحسابات سويسرا وصفقات الفلل والبنايات تقول تحدي والمشاريع الوهمية

    أحب أطمنك صرنا نسوي رجيم غصب عنا
    تعرف اللحم ما عاد نعرفه عقب ماذبحنا الكرم الحين الواحد ماعاد عنده عشان يعزم
    حتى الدجاج ما عاد نأكله
    صرنا رشيقين
    تسمع بالكرش ما عاد نشوفها
    تسمع بالبطن اللي لاصق في الظهر
    يوووووه في كل مكان نشوفه

    نم قرير العين الشعب بخير


    أبشرك طال عمرك شعبك تطور
    استبدل البكاء بطعم الملح؟؟؟

    ببكاء بطعم الدم؟؟؟
    آآآآآآآآآآآآآآه يا حلو مذاقه
    ودك تجربه؟؟؟


    أنا أقولك وشلون؟؟؟
    نظف منزلك من حليب الأطفال!!!
    والبامبرز عشان تطلع الريحة صح وتعرف معنى الحياة

    نظف جيبك من الفلوس؟؟؟
    نم ومخباك فاضي؟؟؟
    خل زوجتك تصحيك من النوم قبل الفجر
    وتقولك أن طفلك ما عنده حليب

    دق الغتره ولف على جيرانك
    دور سلف.. علشان تشتري حليب لطفلك
    الجميع بيطردك لأنهم طفاشا كلهم

    إنسى إنك (ملك)وروح الشغل والمسؤل عليك هندي او ماشابه وبعدها
    أرجع للبيت

    بتدخل على أنغام بكاء طفلك
    عندها ستحتقر نفسك وأنت عاجز عن أشباع طفلك
    عندها ستلعن اليوم اللي أنولدت فيه
    عندها ستلعن اليوم اللي أنولد طفلك وصرت مسؤول عنه؟؟؟

    عندها ستضمه وستبكي من القهر
    ستنزل دموعك وتحس بطعم الدم في حلقك

    وتستغفر ربك لأن الجوع كافر والطفشه طق أصبع وهبال على خبال والنتايج قريبة !!!

    سوف يكثر الفساد والطمع والسرقة في عز النهار والقتل والقوي ياكل الضعيف

    تذكر طال عمرك يوم حنا صغار ويش كانو يقولون لنا
    كانو يقولون الرجال ما يبكي
    عيب تطلع دموعه
    صرنا نصيح عادي
    البكاء صار ملازم لنا
    والسبب كومة لحم (أطفال ونساء) في رقبة الواحد

    يبكي لأنه عاجز عن توفير الحياة الكريمة لهم

    بس ودي أقولك شي قبل ما أروح وأصيح
    تدري ويش معنى الرجل يبكي قدام زوجته وأطفاله
    معناها تساقط كل قيم الرجولة والوطنية اللي تعلمناها في طفولتنا
    معناها إحساس المرأة بالأنكسار وعدم الأمان

    اتمنى نشرها عسى أن يصل صوت المعاناة إلى مليكنا

    فيعرف مدى سعادتنا وفخرنا بوطنه

    قافضة: قبل كل واحد فينه يفوشر على الثاني ان عنده واحد من الاهل يشتغل في وزارة بمنصب كشخة اللحين الواحد اذا يبي يفوشر يقول ان عنده معرفة بواحد مجنس يمني في وزارة الداخلية بمنصب كشخة (كنا ووين وصرنه وين)


    منــقـــــول




    عدل سابقا من قبل صوت الهدى في الثلاثاء يناير 19, 2010 4:08 pm عدل 1 مرات
    avatar
    ولد الصيبعي

    عدد المساهمات : 177
    تاريخ التسجيل : 06/01/2010

    رد: رسآلة من بحريني للوالد القائد حمد بن سلمان!!

    مُساهمة من طرف ولد الصيبعي في الثلاثاء يناير 19, 2010 3:55 pm

    شكرا أخي صوت الهدى




    -----------------------------------------

    بالروح بالدم نفديك يا أبا سامي

    بنبض قلبك ينبض قلب شعبك يا أبا سامي
    avatar
    BMW

    عدد المساهمات : 100
    تاريخ التسجيل : 18/01/2010
    الموقع : البحرين

    رد: رسآلة من بحريني للوالد القائد حمد بن سلمان!!

    مُساهمة من طرف BMW في السبت يناير 23, 2010 3:43 am

    شكرا

      الوقت/التاريخ الآن هو الثلاثاء نوفمبر 21, 2017 12:11 pm